Moin lé sir kan mi di sa, in bonpé d’moun i pé rakont amoin zot léspèryans par raport inn sansa plizyèr zansien kamarad. Souvan défoi ou i pé suiv la pansé lé z’inn é lé z’ot, fason èl i shanj dousman-dousman épi in zour vitman mèm. Mi rapèl néna bien lontan, mon papa l’avé in bann kamarad kominis é dann la bann tazantan l’avé inn téi vir palto. Par kosa sa téi vien ? L’avé in pé tout rézon mé la plipar d’tan lo moun l’avé shanj frékantasyon é défoi l’avé aksèp in pé larzan la koripsyon é par in pti kozman lé té i amontr li l’avé shanj l’opinyon, shanj parti par égzanp. Lé inkroiyab konm in shanjmann parti i shanj in moun. Alé ! Mi kite azot rofléshi la dsi é ni artrouv pli d’van sipétadyé.