Lakèl lé pli for : lo bransh sansa lo rasine ? Si ou I koup lo bransh lo pyé d’boi I ropous pars lo rasine I soutien tout. Si ou I rash slo rasine, lo pyé d’boi I mor.

Sans figiré : Sa i vé dir sinploman moin la pa pèr aou, pars sak lé pli for lé avèk moin, lo rasine. I vé dir osi moin lé myé informé ké ou, pars moin lé an kontak avèk sak lé a l’orizine é ou non, ou lé bien loin par raport lo sant désizyon. Aou ou na lo pli fèb koté ou sé lo bransh. Demoun lontan té i di sa avan déklansh in batay.

Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir ké rant-rant ni pé z’ète désèrtènn foi dakor rantre nou.