Oté

« Si ou i koné ou i koné pa ou va konète »

In kozman pou la rout

Justin / 17 zwiyé 2018

JPEG - 43.6 ko

La plipar d’tan i mète ansanm : « si ou i koné pa ou i koné pa ou i konéte arpa zamé ». Oplis i sava oplis i fo ou i aprann pars oplis néna dé shoz a aprann. Dopi étan pti ziska étan vyé, dopi out dan i pous ziska out dan i tonm, lé konmsa. Ou néna plizanplis zafèr pou konète, donk plizanplis zafèr pou aprann. Néna d’moun néna in métyé é konm i di souvan dé foi in savoir fèr-si zot i vé !-. Donk zot lé kontan pars zot i pans dann z’ot réyon zot sé lé méyèr. Mé oila, la vi lé pi konmsa : kan ou i kroi ou sé lo méyèr, lé zot la fine koup dovan ou. Sa lé vré pou in moun dann son partikilyé ! Sa lé vré pou in prodiktèr ! Sa lé vré galman pou in l’antropriz. Alé ! Mi kite azot rofléshi la dsi é ni artrouv pli d’van. Sipétadyé !