Oté

« Si ou i larg lo kor in foi, ou lé riskab larg ali plizyèr foi »

In kozman pou la rout

Témoignages.re / 16 mai 2018

JPEG - 43.6 ko

Sa sé in moral moin lé dakor avèk. La vi lé fine amontr amoin sa é pa arienk in foi. Dann tan La Rényon téi viv dann la diktatir. Donk, dann tan nou té i viv vréman dann in sistèm totalitèr, l’avé sak téi fé la rézistans épi sak, konm i di, téi larg lo kor pars in bonpé kalité présyon téi pèz dsi zot… Moin la romark sak i larg lo kor in foi, li téi larg plizyèr foi. Mèm zot i vien shèf an tète bann konplis la diktatir é sak zot l’avé pèr fé dann kan bann rézistan, zot té i ézite pa fé kan zot té fini vir do bor. Mé pétèt zot i kroi pa moin ? Dann sé kondisyon sré bon konète in pé listoir nout péi. Alé ! Mi lèss azot rofléshi la dsi ni artrouv pli d’van. Sipétadyé.