Lo promyé sans lé bien klèr. Tout manzèr piman i koné kosa i ariv a ou kan ou la manj piman sirtou kan ou la manj in pé tro. An rantran li bril out boush mé sa lé normal. An sortan, ala travay ! Pou azouté, si dsi son parkour li mète pa ou in pé an difikilté.

Mé piman sa lé konmsa, ni koné, é ni sar pa fé in pla avèk sa ! Mé dan la vi é sa sé lo sans figiré, kan ou i fé dé shoz in pé danjéré, mèm si sa lé bon, majine aou sa na dé konsékans é biensir bann konsékans, sa i fo asimé. Donk sé la lo droi d’douane ! Shak shoz, konm zot i koné nana son bon avèk son mové koté.

Kosa zot i anpans de sa zot ? Arien ! Bin fé travay z’ot koko, fé bouy z’ot matyè griz é zot va oir si rant-rant ni tonm pa in pé dakor rantre nou.