Oté

« Si ou i marsh dann shomin talèr ou i débark sirman dsi la plas zamé »

In kozman pou la rout

Justin / 25 out 2018

JPEG - 43.6 ko

Mi rapèl bien in profésèr kalkil téi di anou souvan dé foi : « I fo zamé fé lo zour mèm sak ou i pé romète pou lanmin. ». Mi koné pa pou kosa, mé in kozman konmsa la touzour bien akord avèk moin. Mi rapèl in pti nové téi di amoin : aou to, tonton ! Ou i di touzour talèr, é talèr ou i di domin, insi d’suit, insi d’suit ! Pou kosa moin lé konmsa ? Pou kosa néna in boné d’moun konmsa ? La pa natirèl, sré mèm plito kulturèl. Konmsa mèm moin la touzour amenn mon bark, mé moin la romark in n’afèr : mèm si ou i fé konmsa ou lé okipé, la plipar d’tan. Alor ? Kosa i fodré fé ? Armète pandil a l’èr ? Mi pans pa sa i marsh avèk moin. Alé ! Mi kite azot rofléshi la dsi é ni artrouv pli d’van. Sipétadyé.