Oté

« Si ou i marsh tète an lèr, ou lé riskab pa oir la m… »

In kozman pou la rout

Justin / 17 out 2019

JPEG - 43.6 ko

Mésyé, médam, la sosyété, mi pans zot konm moin nou la fine marsh dann in salté dsi la rout é nou la pa port antansyon vi k’nou téi rogard pa l’androi k’i fo. Pou ma par, mi pé dir azot in n’afèr konmsa i ariv pa dann lo méyèr dé ka, sa i ariv mèm kan ou lé invité pou alé kékpar é mi pé dir azot lodèr i akonpagn la matyèr i larg pa ou fasilman. Sitèlman désèrtènn foi ou la ziska anvi zète out soulyé é zot i koné in soulyé sa i kout la moné sa ! Na poin lontan dann péi d’fré moin l’akonpagn i dalon téi sava fèrm an fèrm pou vérifyé si bann vash té plène sansa si té vid(konmsa mèm banna i di sa laba !) é bin moin la rant dann park bèf émon dé baskète la rant dann in paké taye bèf.koman koman moin la nyabou sort amoinn la, mé lav lo baskète konm ou i vé, lav ali par dsi lavé, té i vien pa prop. Mé zami, an zénéral, moin la pa in moun fyèr mé so kou isi moin la larg mon baskète dann péi d’ fré. Alé ! Mi kite azot rofléshi la dsi é ni artrouv pli d’van. Sipétadyé !