Médam, zé Mésyé, la sosyété, ala in drol kozman, fransh vérité. Ou i diré zistoman kan lo bonèr lé la, i fo anprofité : boir sou si fo ! zistoman pétète lo pyèz lé la. Si ou i profite san pour san é si in moman lo bonèr an késtyon li kol shomin li sava. Ou sar bien annuiyé apré ; pars ou lé riskab ète an mank. Pars si ou lé abityé kékshoz in pé bon, in pé mové, si lo pli mové i ariv a goumanté ou sar pa dépéizé… Mé si ou i profite san pour san, si ou i boir sou konm moin la di, ou i sar tonb dann la dév ène ou la ! Mal kadik, mal vévé, tout tablatir lé riskab mont dsi ou konm karapate dsi tété bèf mèg. O fon, konm i di, bann pli bone shoz i fo pa abizé é gard in bon dozaz, lo dou, lo salé, lo amèr é konmsa ou lé paré pou lo tourné viré d’la vi. Alé ! Mi kite azot rofléshi la dsi é ni artrouv pli d’van. Sipétadyé.