In kozman pou la rout

« Si ou i ogard bien out zanfan, ou va oir son késtyon avan li rouv son boush pou kozé. »

7 mé 2019, sanm Justin

Kozman-la sa sé in provèrb demoun i di dann péi Bamiléké. Solman konm tout provèrb sa i pé zète vré dann ninport ékèl péi pars, sanm pou moin, sa lé valab pou i paran i ogard son zanfan avèk lo zyé l’amour. An kontrèr, sa lé pa valab pou sak i ogard dann lintèryèr zot mèm... pars sa i égzis kant mèm demoun i ogard azot mèm, lé fyèr pou zot mèm, é final de kont i yèm zot mèm épi zot tousèl. I di pa l’avé in pèrsonaz lansien tan la Grèss, aforstan ogard ali dann lo la fini par noiyé-pars li téi vé arzoinn son limaz li téi trouv t lo pli gayar zafèr li lm’avé zamé vi Bononm-la téi apèl Narcisse. Mé lo paran i rogard son zanfan avèk lo zyé lamour lé kapab dovine sak son zanfan i vé, é mèm késtyon néna dann son mazinasyon avan li rouv son bous pou kozé. Bravo pou d’moun konmsa, mé mi kite azot rofléshi la dsi é ni artrouv pli d’van. Sipétadyé !

Padport

Signaler un contenu

Inn modékri, inn ti lavi, inn komantèr ?


Témoignages - 80e année

La pès kabo

5 juillet, par Christian Fontaine

Kan i ariv Novanm-Désanm-Zanvié, domoun i réziste pi ek la salèr. Zène-zan i mars dann somin, zène-fi i roul an dékolté ; sétaki i rod in manir po (…)


+ Lus