Oila in provèrb mi domann amoin, dopik’mi koné ali, kosa li vé dir égzaktoman. Pandan lontan moin la pans li téi vé pa dir arien, pars i pé kozé san di arien, san ké ou néna l’anvi dir in n’afèr. Mé tazantan i pé ariv aou dé shoz i pèrmète aou donn in sans in kékshoz ou i trouv pa lo sans : mi vé sinploman parl bann shoz la vi. I ariv k’in zour, moin l’ashté in gayar plant pou ofèr in moun pars lété in zour d’fète é konm moin la pa gingn ofèr zour-la, kan moin la rotourn lndomin moin la pa trouv lo plant. Moin la domann ousa i lé ? La réponn amoin : moin la trouv in plant la, moin la mète déor dsi la tab. Moin la pa di arien, poitan l’avé poin d’ot ke moin pou aport lo plant é l’avé poin d’ot pèrsone moin nora ofèr sa. Mé moin la pa di arien é moin la pans kozman moin la mark an-o la. Arien i ariv par par azar ! Tortu i vol pa é in plant i sort pa dann magazin pou ariv in l’androi konmsa son tousèl. Alé ! Mi kite azot rofléshi la dsi é ni artrouv pli d’van. Sipétadyé !