Ala in drol de kozman ! Pou mon par, moin la batiz ali provèrb san konète si sa lé vré pou vréman. Pars i diré sa lé konm in kozman absird. Absird ? Dizon in kozman san ké ni tèt. Pou kosa dabor mi sa marsh dovan moin ? Sré bien komod, pars konmsa mi évite gingn désèrtin z’inkonvényan konm par ébzanp in bon kou d’kongn si mi koné lo l’obstak avan mi ariv dési. Mi véré sa konm in sizyèm sans k’I prévien dsi sak lé posib arivé. Mé ni koné bien sa i pé ariv kék-foi, mé sa i ariv pa toultan. Sé pou sa lo kozman i angant anou pou fé in l’égzèrsis inposib la plipar d’tan : marsh dovan nou !Alé !Kass in pé z’ot koko la dsi ! Ni artrouv pli d’van.