Moin lé sir sa i rapèl désèrtin désèrtènn shoz. Pars, kan ou l’apré fé out ti bézoin dann shomin, ou na la krintiv fé prann aou an défo é dann in ka konmsa i ariv sak i doi arivé . Mé konm provèrb kosa lo saz i vé fé konprann anou ? Dabor li di anou antansyon si ou lé an fote lé z’afèr spé k’i marsh pa konm ou i kroi. Moin la koni in moun, kan li téi pass dovan in kour in pé abandoné, si li oi plan flèr, li kass sansa li rash.i fé pa li arien vol in po ! épi li défil : sof in zour lo shien la bar son shomin é la fors ali atann son mètr. Mi lèss azot majine sak la spasé pou in sinp pyé flèr… Alé ! Mi kite azot rofléshi la dsi é ni artrouv pli dvan. Sipétadyé !