Oté

« Si ou i vé kass son fèye, domann lo pyé lotorizasion »

In kozman pou la rout

Justin / 8 novanm 2018

JPEG - 43.6 ko

I paré sa sé in kozman kalédonien. An touléka moin la lir sa kékpar dsi l’internet. Lé sir k’in sivilizasyon i marsh konmsa la pa konm sak mi koné lo myé. Mi pans, sa i vé dir sinploman i fo réspèk lo vivan. Lo vivan ! Kosa i lé sa ? Bann z’imin lé vivan, bann zanimo lé vivan, bann plant, bann pyé d’boi épi tout bann pti mizing béstyol i v iv dan la tèr –défoi par milyon arienk dann dé-troi grin la tèr. Pou mon par, mi kroi épi mi invite toulmoun pou kroir lo vivan lé partou, dann tout landroi ni viv dann in milyé vivan kisoi l’èr, kisoi la mèr, kisoi la tèr nou lé dann lo vivan é sa sé in n’afèr i fo pa ni obliy - i fo nou lé réspéktyé pou lo vivan. Alé ! Mi kite azot rofléshi la dsi é ni artrouv pli d’van. Sipétadyé !