Sa in frui, sa lé in léguime en mèm tan. Sa lé bon ek toute sat ou vé. Li sava ek toute zafèr : dann in kari poulet, dann in rougail bien fort, même dann in kari poisson li lé bon. Mié ankor ou pé fé kui a li ek do sik. I done in konfitir tomate é nou ièm sa bien ek do pin. Ziska même, ou pé boir à li en ji d’fri. I prétan lé bon pou la santé, mi koné pa.

Tout sa pou dir koman tomate la sa in nafer y passe partou.

Astère na domoun osi lé kom sa. Li pass èk ou, li di a in zafèr, li pass ek in not li pé di komplètman Lo kontrèr, li lé mentèr mé pou li sa lé pa grave, pou li Lo pli importan sé avoir sak li vé. Li ansort à li, li pass partou. Mé son bontan y dir pa, parse à fors tan, son lantouraz y fini par konète à li, son réputation lé fé, é kan y parle de li y di « si ou koné pa li, ou koné pa tomate », sa vé tou dir, sa y vé dir méfié a ou de li ! Mé antasion, kom in tomate li rès in moun nou ièm kan mèm, in kamarade.

A bon entendèr sali.

Justin