Sans prop lé sinp. Mi koné pa si in zour dann z’ot vi zot la gingn lokazyon koulé dann la pisine sansa dann la mèr, sansa ankor dann basin la rivyèr, mé mi pé dir azot sa in léspèryans i vo lo déplasman. Si néna in moun koté ou i pé sov aou lé bien, sansa priyèr Bondyé. Sans figiré astèr : sanm pou moin ou i pé z’ète an difikilté dsi in késtyonn sosyété. Dizon dann travaye é momandoné ou i konpran bien out poi lé o fé. Dann in ka konmsa, moin la konète désèrtin touzis si i kriy pa sékour. Sékour avèk ki ? Avèk sak i sava mète azot déor. Ansèrv de rien. Alé ! Mi kite azot rofléshi la dsi é ni artrouv pli d’van sipétadyé.