Oté

« Si ou la pèr koulèv, in sinp rasine a tèr lé riskab fé pèr aou »

In kozman pou la rout

Justin / 5 out 2018

JPEG - 43.6 ko

Zot i koné in n’afèr : la pèr sa sé in kékshoz i gingn pa kontrolé sa. Zot i pé dir amoin, pou kosa in pé la pèr kankrola ? Pou koué néna in pé la pèr souri alé oir zot i pèz karéman plis mil foi lo poi in souri épi ni koné bien in onm lé pli danzéré k’in souri. Néna galman sak la pèr lo noir-pa lo moun, mé la nuite. Mi koné in pé la pèr rant simityèr alé oir in vivan lé bonpé pli danzéré k’in mor. An tou-lé-ka, konm demoun la pèr in kantité zafèr, mèm sak lé a pène rosanblan i fé pèr azot. Alé ! i kite azot rofléshi la dsi é ni artrouv pli d’van. Sipétadyé.