In kozman pou la route

« Si ou lé an kolèr, kol anlèr ! Kan la plui va tonbé ou va dékolé ! »

24 novanm 2023, sanm Justin

Médam zé Méssyé, la sossyété, si wi koz èk mwin wi koz ék in kouyon, mé sé o pyé d’lo mir k’i oi lo masson.

Mézami kan mwin lété pti souvan défoi mon gran frère sansa mon bann paran l’avé lébitide mi boude kan i rofiz amwin kékshoz. Mé afors mi fé si tèlman bonpé bouderi, mon famiye téi kass pi la tète avèk mwin épi téi di amwin lo kozman mwin la marke an-o la.

Mwin mèm afors lité par dsi lité un zour mwin ossi mwin téi larg lo kor an métan la fote dsi lé zot é sé konmsa mwin la grandi an éspèran in zour ranporte mon viktoir.

Boudikonte mwin la pa ranporte la viktoir mwin té i atann mé kissa k’i koné si in zour mi gingn ar pa la prti mwin ossi.

Alé ! Mi kite azot rofléshi la dsi é ni rotrouv pli d’van, sipétadyé.

Justin

Padport

Signaler un contenu

Inn modékri, inn ti lavi, inn komantèr ?