Oté

« Si ou lé ankor dann marigo,antansyon la guèl krokodil ! »

In kozman pou la rout

Justin / 28 mé 2020

JPEG - 43.6 ko

Mésyé, Médam, La Sosyété, koz èk moin sé koz èk in kouyon, mé sé o pyé d’lo mir k’i oi lo bon mason. Mézami ni kontinyé nout batkaré dann l’afrik an provèrb.zordi nou lé dann la réjyon lo bakongo é nou lé apré parl dsi lo danzé demoun i kour si i sava annarg bann krokodil. Zot i koné sa in bébète i zoué pa ansanm : li lé konm in tron d’boi mé kan li atak antansyon pangar. Si tèlman ké dann in flèv konm lo kongo, sansa dann ninport ékèl marigo ou lé dann danzé. Konm nou lé dann in provèrb kozman la néna in valèr zénéral : i di konmsa si ou i sort pa dann la zone danzé ou lé touzour dann danzé. In kozman a médité. Alé ! Mi kite azot rofléshi la dsi é ni artrouv pli d’van. Sipétadyé.