Mézami an toutan travaye la poin assé issi La Rényon. Sé pou sa demoune i travaye o noir — i di ossi o blak — sansa i travaye la bourkante, osinonsa ankor travaye la klé. In tan téi di i bèk la klé é dann in ka konmsa zot i konpran bien sa la pa in travaye i mète lontan pou fèr, la pa non pli tra vaye d’in gran téknissité mé té i ède kant mèm a ranpli lo bouzaron.

Zordi okin momon, épi okin papa i yèmré oir son zanfan dann kostime in békèr d’klé. Poitan, nou na ka rogardé, bane travayèr o noir sa i manke pa shé nou é sanm pou mwin dann toute famille néna inn-dé lé travayèr instab. Sirman sa i vien dann fin fon noute listoir é sa i roprodui zénérassion an zénérassion.

Si zot i vé ésplike sa, i fo rofléshi. An atandan, ni rotrouv pli d’van. Sipétadyé.

Justin