Oté

« Si ou vé in vash i donn aou son lé, komans par karèss son do »

In kozman pou la rout

Justin / 28 zwin 2018

JPEG - 43.6 ko

Dann tan lété konmsa. Dann bann ti zélvaz lé ankor konmsa. Mi koné pa pou kosa, mé sak lé sir sé k’in vash la bézoin karèss kisoi pou li donn aou d’lé, kisoi mèm pou li manzé. Pétète li ségrète in n’afèr i kontant ali konm in zormone sansa kékshoz d’ot. An touléka, li va plis done aou son lé si ou na bon manyèr avèk li. Tanka la britalité sa sé in n’afèr i marsh pa é si ou la bézoin pran son dé korn kékpar ou fé ninport de koi. Sirtou alé pa kroir banna na poin la mémoir é mi pé rakont azot in lanékdote la dsi... in n’ot foi. Sa sé pou vash, mé lé vré galman pou d’moun-astèr la la pa in késtyonn lé-mé in késtyonn favèr. I di pa « i ral pa moush ansanm vi nèg » mé avèk domyèl oui... Alé ! mi kite azot pou rofléshi la dsi é ni artrouv pli d’van. Sipétadyé !