Oté

« Si oute gard-manzé lé vide, tard pa pou ranpli ali ! »

In kozman pou la route

Justin / 18 mars 2021

JPEG - 43.6 ko

Médam, méssyé, la sosyété mi rapèl azot zordi in pratik demoun lontan. Pars lontan lété pa sir artrouv vitman lo késkifo pou ranpli lo gard-manzé : la boutik l’avé trépé d’zafèr, larzan l’avé poin pou gaté, épi dann bitasyon la pa toute sézon téi trouv sak i fo pou ranpli marmite. Donk demoun lontan, kan zot i oi zot garde-manzé - sansa zote male - vide, sa sé in gro traka pou zot, in priorité pou la zourné. L’èrla i fo alé rodé é lé pa si fassil ké sa pou trouvé. Astèr si ni oi in sans pli zénéral, ni pé dir sinploman i fo pa romète a domin sak wi pé fèr zordi : domin nora in n’ote afèr pétète pli préssé pou fèr, é lo tan ou la pèrde zordi la pa sir wi pé artrape ali domin. Alé ! Mi kite azot rofléshi la dsi é ni artrouv pli d’van. Sipétadyé.