I di la démokrasi sé lo moin mové manyèr gouvèrn demoun pars i done lo pouvoir lo pèp. Sé pa si zot i pans konm moin, mé moin la touzour rèv in vré sistèm démokratik san trouv lo bon solisyon pou ariv an avoir in gouvèrnans konmsa. Dé foi, mi pans lo bann z’afèr lo péi lé rant lo min in bann taré. Dé foi mi pans in pé i di « u » ! in pé i di « gli » ! in pé i fé yakwoo é tousala an mèm tan si tèlman k’lo bèf i koné pi dann kèl sans li doi ral lo sharète. Sé sak lo kozman an-o la i vé dir, mé kozman-la, pou moin, li lé vré, konm pa é si li lé konmsa, mi pans i fo bien kalkilé pou tras in bon shomin. Alé ! Ni artrouv pli d’van. Sipétadyé !