Mézami kozman mwin la marke an-o la sé pou dir la pèrsone lé si tèlman anrazé, si tèlman an kolèr, ké mèm bann moush i poiz pa dsi li. Mwin lé a d’mandé kossa lé vré, kossa lé fo ladan. Mi domann ziska kan in moune lé an kolèr si na poin in zimèr i sokrete dann son po lé ziska kapab fé pèr moush ziska.

In tan mi rapèl, la kaz, bann zansien téi di lo boug lé bandé an trant-sis é mwin lé touzour a domandé kossa sa i vé dir. Mi domann si i vé pa anparl lo tan l’avé konm in révolissyon dan l’èr é dann tan-la nou lété lané 1936 mé mi koné pa si sa i pé z’ète vré pou vréman.

Alé ! Mi kite azot rofléshir la dsi é ni retrouv pli dvan, sipétadyé.

Justin