Sa i rapèl amoin in n’ot kozman. In papa i domann son bann z’anfan :”Marmay kisa I komann kan momon lé pa la ?”. Pou moin, sa lé konm in sign l’inégalité dann in ménaz. In zour in psy la ésplik amoin dann in koup nana forséman la rivalité, la konkirans. Donk mi di ali, l’armoni la poin ? Li réponn amoin : « Ou i pé touzour révé ! »... Solman kozman moin la mark anlèr-la na poin lo mèm sans. Sa i vé dir plito si ou na in avi, pou kosa ou i sar rod in n’ot épi d’ot ankor. Sèl z’afèr ou i risk sé ké ou i koné pi kosa i fo fèr. Kosa zot i anpans zot ? Arien ditou ? Fé travay z’ot koko ! Fé bouy z’ot matyèr griz ! Zot va oir ké rant-rant ni pé z’ète tazantan dajkor rantre nou.