Mézami, kozman-la néna in pé dann toute lang épi dann in pé toute landroi. Pou kossa i artrouv kozman-la in pé partou ?

Sanm pou mwin pars dann toute sossyété umène, dopi l’om modern la aparète dsu la tèr, toulmoune i pans i fo alé an avan ; sé konmsa ké noute rass imène la sorte dann kavèrne pou ariv zordi konm ni koné.

Sé par sa ké nou l’ariv a kontrol toute la tèr.Sé konmsa ké nou la fini par kroir lo progré sé in kékshoz obligatoir.La konéssans i doi doub tou lé dizan.

Ni doi fé bande bon d’zéan pou la késtyonn santé. Noute l’armeman ossi la fé bande bon an avan .Malorozman sé par sa ké nou l’aprè mète nout égzistans dann danjé.

Pétète in zour nou va disparète alé oir la vi dsu la tèr va kontinyé.

Alé ! mi kite azot rofléshi la dsu é ni rotrouv pli d’van.

Sipétadyé.