Mézami mwin lé sirésèrtin zot i koné kozman-la. Toute fasson, si zot i koné pa, s zot na ka ésséyé pou oir. Lo rézilta lé garanti é prèsk instantané.

Sanss prop : sé sa. Sanss figuiré astèr : sa i vé dir si wi fé kékshoz san kalkilé kossa i sava ariv aou, osinonsa kèl prékossion i fo wi pran pou k’i ariv pa ou in dézagréman ébin lé sir wi mète aou an danzé.

La pa ariv azot zamé grinpe dsi in pyé d’boi san kalkil koman zot va rodéssann é étan an-o pa trouv la téknik pou ardéssann. Mi panss ké oui, é mi rapèl mon bann sanssassion kan la krintiv la monte dsi mwin… Mi rapèl bien lo kapkap mwin la gagné.

Alé ! Mi kite azot rofléshir la dsi é ni rotrouv pli dvan sipétadyé.

Justin