Méssyé, médam, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami la shanss zordi i vé ké mi tonb dsi in provèrb shimaoré.Bande maoré pou zot par i koné sa sirman mé bande franssé d’okipassion lé pa sir k’i koné konm mi doute ke zot i koné lo provèrb i di :sak i ve toute, i rate toute.. Téi falé aprande sa l’okipan mézami .

Si zot l’avé aprande sa banna,a komanssé par lo préfé, gran longaye k’i pran –d’apré sak mi kroi- po d’shanm pou pla kouvèr, makaroni pou la bouji. Antouléka, sak lé sir, sé ké li épi son miniss lintèryèr é toute son lékip té i gnor tro d’shoz... étone pa zot ké so kou si, i lanss in vré fote politik.

I ariv ké kan wi pran in mové dépar, wi fé ossi in mové l’arivé. Mi kite azot rofléshi la dsi é ni artrouv pli d’van. Sipétadyé.