Médame zé méssyé, la sossyété, koze èk mwin sé koze èk in kouyon m sé o pyé d’lo mir k’i oi lo masson.

Mézami, kozman mwin la mark an-o la, mi panss sa i doizète in provèrb l’afrik : mi koné pa bien aziss, mé li fé konprande amwin bonpé zafèr. Kossa i vé dir, Li vé dir i fo pa zize in moune tro vite, i fo pa kroire wi koné ali bien o zizé. Si mi di azot sa, sé pars souvan dé foi, mwin la tronpe amwin dsi la konéssans in moune. Mwin la déza di i fo méfyé sak ou la vu, i fo méfyé galman sak ou la antandie. Proverb-la mi panss i ramène anou in pé dsu la réalité pars mi panss si ou la marsh uizour dann soulyé in moune, sa i vé dir ou la viv son vi uizour d’ran, ou la konète son problèm so uizour-la, ou la konète son problème é la fasson li la trouv in solission, sansa li la pa trouvé. Dan sé kondisyon li sé pi in létranzé pou ou, li lé pli frère ké oute frère, li lé pli dalon ké oute dalon.

Alé ! mi kite azot rofléshi la dsi é ni rotrouv pli d’van. Sipétadyé.