Mézami fitintan, tazantan, l’avé in rimèr k’i kour, téi di : « kondané la shapé » é mi souvien sa té in n’afèr k’téi sème la panik dann noute vilaz. Pèrsone téi oi pa lo kondané, mé la rimèr téi di li lé pa lwin, li lé la, é si wi oi li, li oi ou, é lé riskab ète tro tar.

Le moune téi mète an doute la kapassité bann zandarm épi bann poilssyé pou trape ali é sé pou sa té i di kozman mwin la marke an-o la. Aprésa, la plipar d’tan, avèk lo tan, la rimèr i arète é boudikone pèrsone téi i koné pa si l’avé trouv lo kondané si l’avé pa trouvé mé sa i fé arien é lo vilaz téi pass in n’ote shoz konm la fam san tète, loto rouz, épi d’ote kroiyanss inpossib pou prouvé.

Alé ! Mi kite azot fé travaye zot koko ladsi é ni rotrouv pli dvan, sipétadyé.

Justin