Mézami pou ropère in park koshon la pa bézoin google-map, i sufi diriz aou o né. Pars fransh vérité park koshon sa i san sa : défoi pliss, défoi moinss mé li san. Domande demoune i rèss dann in landroi d’park koshon va dir azot si mi di pa la vérité. Astèr néna demoune i travaye ladan mé mi panss zot la fine abityé ési ou lé pa abityé mi konsèye azot in n’ot travaye.

Mé « san mové » i pé di sa dann sanss prop — pardone amwin mon léspréssyon — osinonsa dann sans figuiré : in sossyété i pé san mové, in group demoune i pé san mové, mèm si zot i mète linz imakulé. Si wi yèm pa la malpropté o sanss figuiré alé pa travaye landroi lé konmsa, sans avèk demoune malonète donk i san mové moralman.

Alé ! mi kite azot rofléshi la dsï é ni artrouv pli d’van. Sipétadyé.

Justin