Mézami m’a dir azot kékshoz rantre nou, Sak la fine antann kozman-la sé sak la fine antann rakonte zistoir-mi diré mèm sak l’a gingn la shans ékoute bann rakontèr zistoir — pa solman bann kazi — proféssyonèl rakontaz zistoir, mé ninporte ki : ou, li, mwin, mon papa, mon momon, gropèr, gromèr, sansa lo vyé Léon Boudieni téi anpar la plui avèk solèye dann lonbraz filao la komine Sin-Lé.

Antouléka mi koné kozman-la i rovien shak foi in moune i rakonte in zistoir, pou marke zistoir lé prèssfini é l’èr pou marmaye fèrm lo zyé é pou tonm dann zot profon somèye. Lo tan pou lo rakontè pou dir azot : bone nuite tak baro.

Alé ! mi kite azot rofléshi la dsi é ni rotrouv pli d’van sipétadyé.

Justin