Si moin lété lo mèr in komïne, oussa lo tram-trin i doi pa passé ? Si mi panss mon bann zadministré lé mal konsidéré : si zot lé riskab pa oir la koulèr lo tram-train. Mi kroi bann la réjion noré pèrd somèy a fors moin noré kanil azot. Moin nora té domann azot si nout larzan la pa in bon larzan, si nou sé zanfan batard, si nou lé tro loin lo piramid ranvèrsé.

Si moin té in zabitan dann in komine lo mèr i vé pa fé in n’éfor pou fé pass lo tram-train. Si moin lété in moun Saint André, Saint Bénoît, Bras-Panon ; si moin té in moun Kartyé-troi lèt, Etang-salé, Saint Louis, Saint Pierre ou bien Saint Jo, moin noré di tout bann dalon i fo nout mèr i arvoi son pozision.
Sansa moin noré di :"Bann dalon, alon kapot mèr-la ! Li vé ni kui dann in loto ki roul pi ! Li vé ni oi rienk dann télé lo gran shéniye an fèr roulé.

Kamarad Paul la di in zour dann télé : « Si bann mèr i vé lo tram-train sü téritoir zot komine, anvoy in lèt sansa anvoy in fax pou dir ». Alor, kossa zot i atann ? zot i atann kalbité proshin zéléksion ? Si zot i vé,
solon moin, zot va gouté.

Justin