Sa in kozman paré t’il té i sort dan la boush la rènn Marie-antoinette-la fam Louis XVI dann moi d’oktob 1789.Dann tan-la l’avé in révolisyon dann la frans é lo pèp téi souplègn pars do pin l’avé ranshéri.

Alor, lo pèp, la plipar lété bann fanm la sort Päris épi la parti Versailles-lo shato lo roi lété dann Versailles. Dabor zot té i vé mète la présyon dsi lo roi pou obliz ali sign lo dékré téi port dsi la konstitisyon, épizapré pou dmann ali pou fé bèss lo pri lo pain. Zot l’avé galman la krintiv lo roi téi roganiz in konplo kont la révolisyon donk zot a désid ramenn ali dann Paris. Dann tan-la demoun téi di la ramenn dann Paris lo boulanzé, la boulanzèr épi lo pti mitron.

Si ni kon pran bien lé shoz lété pa arienk in manifèstasyon pou lo pri lo pain mél lété galman in manifèstasyon politik téi angaz l’avnir la Révolisyon. Konm pétète bann manifèstasyon zordi na poin arienk pou poinn-vizé fé bèss lo pri lo famé panyé la ménazèr. Alé ! Mi kite azot rofléshi la dsi é ni artrouv pli d’van. Sipétadyé !