Mi koné pa si zot i koné in kalité siklone konmsa, si zot la fine fé la romark. Mé si inn i ariv a pasé, moin lé sir zot va rann azot kont par zot mèm. Fransh vérité kan sa i pass la, bann fèy lé konm brilé. Ou na konm l’inprésyon lo bann pyé d’boi i sava krévé. Solman in pé d’tan apré, kan bann fèy brilé la fine tonbé, bann ti bourzon i ronète é lo pyé d’boi i arvien vèr tann. La natir i ropran son droi. Sa i éspas kan siklone i amenn pa tro la plui é kan nana sirtou in bon dégré d’van. Si zot la pankor bien oir in n’afèr konmsa, proshène foi kan siklone i pass rogard bien solman la pa souvan sa i éspas, la plipar d’tan sé siklone dolo. Ni artrouv !