Yèr-soir konm julie Pontalba la ékri dann zoinal yèr, lo dé mizik la kroizé dann in ron maloya, é sa sinploman pars la komine Sin-Dni la fé vni in délégassion Chagoss, konm invité d’onèr pou lo tan la somenn kréol.

Lo dë lé pa parèye, sa lé sir :

Inn lé né dann plantassion koko épi bor loséan indien dann in tan bannzil Chagos lété lo paradi pou bann shagossien. L’ote lé né issi La Rényon dann gro transpirassion bann zésklav épi bann zangazé in pé toute zorijine.

La rankonte, mirak kazi-inpossib, la spass dann ron maloya laba dann kartyé Barachois. Kan la troupe Chagos épi la troupe maloya La Rényon la mète ansanm pou mélanz zot kontantman épi zot tristèss, antoulé ka pou prézante lo piblik zot otantissité.

Inn é l’ote dann danzé pou disparète mé porté par bann militan rényoné époi chagossien pou rann possib l’inpossib é pou bien amontre kan bann militan i pran an min la défanss d’inn koz lo danzé disparète lé ropoussé, kissoi pou in lmizik, kissoi pou in danss, kisoi pou in kiltir.

A boin antandèr, salu.

Justin