Oté

« Sinéma i komans la ! Shakinn la pèye son plass ! »

In kozman pou la rout

Justin / 29 novanm 2018

JPEG - 43.6 ko

Mi koné pa si zot la fine antann kozman-la.Mi koné mèm pa si lé égzis é dann kèl péi li égzis. Pétète sé mon voi intèryèr la dike amoin kozman-la. Mé kosa li vé dir ozis ? Sanm pou moin, li vé dir kan ou i sava rogard in fime dann sinéma sé ou k’i désid si i fo ri, é si i fo pa. Sé ou k’i désid si néna in l’émosyon valab sansa si na poin. Sé ou k’i désid si lé sèryé sansa si lé pa. Mèm lo boug la fé lo fime i gingn pa komann aou-li pans li komann aou mé la pa vré pou d’bon. Dizon lé konm in moun la ékri in liv, kisoi in roman, kisoi in rokèye fonnkèr, kisoi ninportékèl liv, ninport ékèl kréasyon litérèr… Astèr lé posib aplik dan la vi lo mèm prinsip ké dann sinéma : sé ou k’i aprésyé out vi, sé ou k’i pé di si èl lé valab sansa si èl lé pa. Antansyon lé ga, si zot i pans zot i pé aprésyé la vi d’in moun mi kroi zot i pran in mové shomin par raport sak moin la di azot an-o la. Alé ! Mi kite azot rofléshi la dsi é ni artrouv pli d’van sipétadyé.