Mézami si zot i rode kossa i lé in shomin galizé, sirésèrtin zot nora an rotour lo zimaz in shomin bien droite, bien plate, fassil pou déplass dodan, fassil pou amenn azot landroi zot i vé alé san gingn lo kou.

Donk galizé, sanss prop, sa i vé dir bien droite, bien plate, bien konfortab, bien gayar. Astèr si ni rode lo sanss figuiré, donk kékshoz par rapor la vi, nou va dir si in moune la trouv son shomin galizé sa i vé dir li la trouv in shomin d’vi bien fassil — kékshoz in momon i rode touzour pou son zanfan é lo zanfan i rode ossi pou li mèm.

In parkour d’vi san difikilté. Mi koné pa si zot la fine trouv zot shomin galizé-sira défoi oui, sirman défoi non. Donk mi kite azot rofléshir la dsi é ni roytrouv pli dvan, sipétadyé.

Justin