Médame, zé méssyé, la sosyété, koze èk mwin sé koze èk in kouyon, mé sé o pyé d’lo mir k’i oi lo masson.

Mézami, mi panss zot i koné provèrb-la, mé mi koné pa koman zot i pran sa. Konm in sinbol l’égalité ? Sré gayar si lété sa. Mi rapèl in kozman téi di, lo pli pti lilète, lo pli loin, lo pli sovaz é lo moins poplé, solèye i obli pa li. Dizon sé in provèrb l’égalité. Mi yèmré dir sa lé vré. Mi yèmré dir noute toute bande sitoiyin di monde nou néna l’égalité dovan lo méyèr kétshoz néna dann la natire mé opliss i sava, opliss mi doute ké sa lé vré. Mé o fon, sa i pé z’ète vré a in kondissyon sé ké noute sistème sosyal, ékonomik té pa dézékilibré konm li lé zordi. Donk ni diré la natir i ofère toute demoune son bande bienfé ; mé lé zome i priv bande bienfé-la lé z’inn lé zot.

Mi invite azot bien rofléshi kozman-la é ni artrouv pli d’van. Sipétadyé.