Mézami sa in kozman i romonte dann tan. Dizon dann tan lo péi lété pa konm li lé zordi : dann tan téi oi demoune apré porte paké – lo balo - dsi la tète kissoi balo pou déménazé, kissoi balo pou alé bazar, kissoi balo létshi… In balo mal amaré sé in balo riskab kalbité épi anvèrs dann shomin. Koméla sa lé rar konm korn lapin.

Mé lo lékspréssion lé la, é li domand arienk demoune i tiliz ali pou li roviv. Astèr i vé dir a popré mèm shoz ke « kanar lé noir ! »sansa : « Ou lé mal parti ». Ou lé mal baré…

Alé ! mi kite azot rofléshi la dsü é ni artrouv pli d’van. Sipétadyé.

Justin