Oté

« Son balo lété mal amaré ! »

In kozman pou la rout

Justin / 14 zanvié 2020

JPEG - 43.6 ko

Koz èk moin sé koz èk in kouyon-mé sé o pyé d’lo mir k’i oi lo mason. Zot i koné kosa i lé in balo : forsé si zot i koné dé mo d’kréol rén yoné zot i koné lo mo balo avèk in bonpé sans. Zot i koné i pé di in balo linz sal sansa prop. Zot i koné osi i pé di in balo létshi sansa d’ot kalité balo. In balo mal amaré lé riskab défé dann shomin é kan li défé sak lé d’dan i vèrs atèr. Astèr lo kozman i pé dir in n’ot afèr : ou i lans aou dann in l’antropriz mal préparé, épizapré lo lantropriz i kapote é konm i di : « Adyé ti-bèf, vash, koshon, pti poulé » [1]. Mi pans, zot konm moin la fini tonm dann in l’anbordir konmsa é i pé dir azot défoi l’afèr lé amèr. An touléka, moin pèrsonèl, mi souète pa pèrsone néna in balo mal amaré ! Alé ! Mi kite azot rofléshi épi ni artrouv pli d’van. Sipétadyé !

[1Adieu veau,vâche, cochon, kouvèe (Voir fable de La fontaine-Perrette et son pot au lait.)