Ma famiye la touzour rakonte amwin zistoir d’in dénomé Fon-d’roz épi dsé fiye. I paré in zour néna in bato d’guèr la vni dan la mèr par koté d’Sin-dni épi li la klèr la tèr avèk son bann projéktèr. Alor lo Fon d’roz i rakonte la limyèr la anvlope ali, la dézanvlope ali, la roroanvlope ali si tèlman li l’avé pèr li téi kroi la fin di mond l’arivé. Do koi fé bate son kèr dann do.

Alor lo troi moune la parti légliz Sint-Klotide.La, la trouv lo Pèr é lo pèr la domann kossa la spassé é Lo boug la rakonte son mézavantir épi la di lo prète : « La fin di mond l’arivé, ni vien mourir l’égliz ! » .Lo pèr la di : « Mon anfan rante shé ou, wi oi pa sa lékléraz bato ? »

So kou issi Fon d’roz i armonte dsi la lanp son bann fiye épi li di : « Bann dé tortrèl, alon rotourn la kaz ! ».Mi panss lo pèr la fé in sourir é pa pliss pars sa téi inpréssyone pa li,tanka la famiye yab son kèr téi bate dann son do pou vréman.

Alé ! Ni retrouv pli dvan sipétadyé.

Justin