Médam zé méssyé , la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Néna la kouyoniss wi koné é néna la kouyoniss ké wi koné pa ; sak lé fé an plin zour é sak lé fé an missouk .Mé an missouk osinonsa an plin zour la kouyoniss i rèst la kouyoniss é kan lo mond i an apèrssoi bien sir, l’otèr i gingn gro tète pars lé zamé bon fé romarke aou par oute kouyoniss –par oute mové koté, par l’fète.

Sa sé konm demoune kan zot i rouv zot boush tor-an-travèr . In sèrtin komik franssé téi di : « i vo myé fèrm oute boush é ète riskab pass pou in kouyon, ké rouv ali épi lèss okin doute dsu lo sizé. ». L’èr-la i pé di la kouyoniss i kass par boute, i pé di galman i pète an flèr.

Alé ! Mi kite azot rofléshi la dsi é ni artrouv pli dvan-sipétadyé.