Mézami, mi panss zot la fine alé bordmèr. Mi panss zot la fine mète la sab dann zot min épi fé koul ali rante zot doi. Zot i oi koman sa i koul é zot i oi biento na pi in sèl grin dann zot min… Astèr alon di sa larzan épi lo bande grin dan la min sé bande dépanss mwin, zot, lé z’inn, lé z’ot i fé san konté sansa an kontan pa — sak lé in pé parèye.

Vitman-vitman, ala ké mwin, zot, lé z’inn é lé z’ot lé fine ariv o flan, lé dsi la paye, dsi la plime, oki Baya. Anfin dann in sityassion pèrsone i yèm pa mé toulmoune, plizoumoins la fine rotrouv ali dann in sityasion konmsa.
Alé ! Mi kite azot rofléshi la dsi é ni rotrouv pli d’van. Sipétadyé

Justin