Mézami, fitintan zanfan tann téi mor pars lo lé zot momon lé pa bon pou zot-kréol téi di lo lé lé kontraryé. Mwin pèrsonèlman l’ariv amwin in n’afèr étan pti. Kan mwin la grandi momon la rakonte amwin sa.

In voizine avèk mon momon la gingn zanfan an mèm tan mé si mwin téi profité bien mon pti kamarade k’téi tète dolé son momon téi profité pa.

In vyé guérissèz la konsèye momon done dolé an mèm tan lé dé marmaye. Si tèlman lo dé zanfan la mète a profité é dizon mon pti kamarade — mon frèr d’lé konm i di — lété sové.

Sof ké in tizanèr la di : « Sa lé pa bon fèr in n’afèr konmsa ! ». I fo shak zanfan i tète dolé zot momn é pou ratrape lo kou mon frèr d’lé la boir tizane épi la mète kataplass limon dsi bavante.

Rézilta : mwin la bien profité émon pti dalon lo kèr l’arété. Alé savoir pou koué ! Mi kite azot rofléshi la dsi é ni retrouv pli dvan, sipétadyé.

Justin