Zot i souvien ti-lékol maron ? koméla na pï sa ! Mi éspèr k’na pï. Akoz sa ? akoz ou sava oir in moun i koné pa arien épi ou aprann pa arien avèk li. Lékol maron ? Bou di kont, mi koné pa, si na pï pou vréman. Moin lé mem sïr, nana ankor, zafèr konmsa koméla. Sof kë nana vré mèt lékol, sansa zot nanavré diplom, épï zot i fé sa konm vré métié. Sof kë lontan té falé donn in pti moné la métrès-maron, soman koméla i fo ou nana gro-larzan pou doné.

Alor, pou alé dann lékol-vakans i fo ou nana l’ëro an kantité, sansa ou pèy sak ou la poin. Konm ou ashté marshandiz avèk larzan ou na poin. Kosa i ansèrv ? I ansèrv fé ratrap lo marmay son rotar, sansa fé révizion, sansa fé lo program avan lékol i komans. Sa in drol z’afèr sa !
Oui, si ou vé, mé lo marmay, pti, moiyin, ou bien gran lé plis asïré pas son légzamin. Oui, mé sat la famy la poin larzan ? A bin ! Li sèy fé in manièr par li-mem, sansa li fé pa arien. Aprésa si li ginye pa son diplom, la pa lë traka la sosiété, la pa sèt lédikasion nasional, si out tèt lé boushé vèy pa koman.
Kisa lotèr ? Son nom sé"pèrsone"*pou pa shanjé.

Justin

Au chant IX de l’Odyssée (traduction de Leconte de Lisle) Ulysse se présente au cyclope comme s’appelant Personne. Expression reprise par Tonino Valérii dans le western spaguetti "Mon nom est personne"