De toutan isi shé nou, konm dann péi déor, demoun té i ansèrv kozman la pou dir ou i sort d’inn movèz pass pou tonm dann in pli mové. Gribouye kan la plui té i sava tonbé téi sote pa dann l’étan ? I di pa demoun la sort Karib pou tonm an Syla ? Sa i amontr anou pou évite in danzé dé sèrtin té i tonm dann in pli gran. Lé vré, la pa in mark l’intélizans pou fèr in n’afèr konmsa mé la pa toultan demoun i amontr zot lé intélizan. Tazantan la pèr i sifi pou fo tonm aou dann l’ibésilité. I pé dir galman tro d’ lintélizans i fé tonm aou dan la kouyonis. Alé ! Mi lèss azot réfléshi la dsi é ni artrouv pli d’van sipétadyé.