URSS, kan moin la pas mon sertifika, moin té an 6ziènm ; moin lavé in kamarad té an fin détud, moin té sava son kaz po aprann dan son liv zistwar zéografi lo programe po lo gran sertifika ; mi rapèl : URSS=Union Républik Sosialis Soviétik ; laddan la poin kominis ; si mi montr a ou in liv ékri par Jean Jaurès « histoire socialiste la Révolisyon fransèz » ; ou la poin po di a moin : « sa i é, Justin lé pu kominis, li la fine ariv sosialis… »
I fo report a ou listwar ék in gran I(Istwar).

Va parl a ou royoté, noblès, tiérzéta, klérzé ; si ti préfèr lo roi, lo bann riss èk sato, bann pov péizan, travayèr later, é pi bann zévèk, kiré donk bann moun légliz.
Koman in révolisyon la énèt : bann pov i giny pi siporté zinégalité ; tout risès po lo roi é sa kour, son bann sénièr, dik, dichès, kont, kontès ; risès mal partazé.
Bann nob i pay pa zinpo ; bann prêt i trouv tout moyin po éskivé ; zot tout i manz bien, i boi bien, i abi bien.
Bann travayèr la tèr : linz touzour désiré, la kaz an tèr bati, dan la bou, la fré, marmay malad, mank nouritir.

In bon kominis i doi konèt listwar ou sa i sort.
Koman nou la giny in lidé réklamé nout droi.
Déza nou la parti lékol po aprann sa ; dégourdi a nou ; sort dan lignorans !
Na in kamarad la di amoin : « oté, nou mank formasyon ; konbien kamarad i koné minm pa na in biro éléktoral dan sak méri ? »
Si mi di a ou samdi lo mèr i réini son konseyi minisipal, li dézign son bann délégé, son bann zadjoin ; rényon lé piblik ; réponn pa moin lo mèr lé pa dan ton parti ; alé ékouté, suiv lo zafèr ; sé in formasyon po toué !
Sosialis, kominis, ki té avan ?

Justin