Lakey lo sit > Chroniques > Oté
Sote koman ti vé koko, toué lé pri dan la min korbo
mardi 29 zwin 2021, sanm
Mézami, mon bande dalon, mwin té déssid zordi fé in modékri an mode kass lé kui. Néna si tèlman lontan mwin t’apou atannde in nouèl konmsa : néna lontan mi atande so prézidan-la i boire in pé lo sal é nou pou in kou, dopi lontan boire in pé lo prope konm bèf dovan.
Dann in ka konmsa, oute kafé na pi mèm gou, oute koko d’pin lé konm in ropa magnifik, oute santé ziska i diré k’i bonifi. Mézami zot i rapèl koman la boush té an malang kan nou téi pèrde. Zot i rapèl koman bann zourné apré o vote lété dire pou passé.
Astèr, ni panss domin ni mète a révé bande landomin k’i shante. Sé l’èr ké ni di travèrss in dézèr lé dir, mé kan ou i trouv d’issi d’laba in pti sourss lo klère, in pti sourss lo fré, kékshoz i rafré shi lo kor, épi i rodone aou in sipléman la vi. Wi panss toute bande kamarade angajé dann in lute util, éfikass, in lute konm téi manke anou dopi kékzané déza.
Mi pé dire azot arienk in n’afèr : La Rényon nout péi, PCR noute parti. Inn sé l’ ote é l’ote sé inn, noute rol la pankor fini.lo méyèr pou nou lé dovan.
Tanka Didier Robert, son mézavantire zordi i fé panss amoin in vyé shanté dann tan mardi gra, un vyé shnsson té i di konmssa : Sote koman ti vé koko, toué lé pri dan la min korbo.
