Pa bézoin atann nouvèl an pou souèt anou la santé, fé ali toulézour koman prièr, akoz médikaman tro lour pou portmoné l’Éta, pa pou lé not. Exomuc, Efferalgan... mi kontinïé pa la list tout so bann non bizar, mé bann médikaman ni ïtïliz toultan i fodra zordi ni péy lo total lo kapital. Là-dan médikaman marmay i mank pa, i di anou, bann médikaman-là lé pa asé for pou sov la santé, malgré sé sat nou ansèrv dopi touzour.
Dopi toultant ? Vréman ? Navé in tan ousa zerbaz té guéri anou, in tan san médikaman. Tizane fine ariv konm in médsine malizé dann nout koko, an minm tan ni kroi pa tro dann médikaman la sians, akoz i fé pèr anou. Si ni kroi pi dan inn ni dan lot, ni songn pi nou kom i fo.
Inn dan lot si ni rapèl pi tizane gramoun é si médikaman lé ryink pou sat na larzan, kisa nora la santé domin ?

Zistin