Médame zé méssyé, la sossyété, koze èk mwin sé koze èk in kouyon, mé sé o pyé d’lo mir k’i oi lo masson.

Mézami mi doute pa ké dann zot vi zot la gingn lokazyon é pa arienk in foi souf dsi d’fé pou fé pran é sirman zot la romark in n’afèr, sé kan wi souf lo fé i fé la fimé, mé li fé galman zétinsèl é si wi méfyé pa inn-dé lé riskab tonb dann oute zyé épi bril aou. Sa i ariv toultan kan wi fé fé d’boi é kan wi mète oute mizo i pé tro pré.

La nou lé dann sanss prop é kan ni rante dann sanss figuiré ni rante galman dann bande rolassyon rante vivan é mi diré mèm bande mové rolassyon. Néna dé foi déssèrtin i yinm bien, par intéré, sansa pars zoy i yèm dézorde, souf dsi d’fé pou agrav in bataye mé lo zé la pa inossan, é lo souflèr li mèm i pé an avoir bande konsékanss an rotour.

Ala pou kossa mi invite azot rofléshi la dsi é ni artrouv pli d’van. Sipétadyé.